هنصحي في قلوبنا حبك اللي عمره ما هان
واليــوم حلمـك يا بلــدي بقينا ليه عنـوان
احـنا نيلك وجيشك وتاريخك احـنا كمان
يناير بصــمه لينا وصرخـه ليها كيان
احنا شباب الثوره ثورتنا عالطــغيان
من قلوبنا فيها يابلدي لـعزك القــربان
فداكي احـنا ياوطني قلنها في المـيدان
من سنين يا حره كانو بيحكموكي غيلان
وعلموني ليهم اطاطي وصنعو مني جبان
ولو رفعت مره راسي تبقى حياتي رهان
دوقــونا الزل كله فـ كــاسات على الوان
شــربونا الظلم مره والـــحر فينا مهان
الآه نقـــولها يزيدونا الحرق بالنــيران
لـكـن لأنا ولادك صــمدنا للطــــوفان
وبقــينا كــلنا واحـــد بالحب زي زمان
شــباب وشيــبه يا بلدي بنقدم العــرفان
هـنقول لكــل ظالم وحدتنا دي بركــان
هنهز بيها عروشـك ونهـدم الاركـــان
ونمحي كل شرورك والظلم مالو مكان
ينـاير للظلم عــبره بجد مش هزيــــان
وهيبقى للدنيا ذكرى صناعه من الميدان
الخميس فبراير 16, 2012 3:01 pm